Ծրագրի անվանումը ՝«Ես իրազեկ և պաշտպանված կին եմ»
Ծրագրի տևողությունը՝ Ծրագիրն իրականացնվել է 3 ամիսների ընթացքում ՝ 2019թ սեպտեմբերի սկզբից մինչև նոյեմբերի վերջ։
Ծրագրի նպատակը՝
Ծրագրի Կարճաժամկետ նպատակը՝ Ծրագրի կարճաժամկետ նպատակն էր նպաստել Լոռու մարզի կանանց հզորացմանը՝ իրավագիտակցության բարձրացման, ֆիզիկական և հոգեբանական ինքնապաշտպանության մեխանիզմների միջոցով։
Ծրագրի Երկարաժամկետ Նպատակը՝ Ծրագրի երկարաժամկետ նպատակն էր նպաստել գենդերային հիմքով բռնության շուրջ արմատացած կարծրատիպերի նվազեցմանը։
Ծրագրի խնդիրները
Ծրագիրն իր նպատակին հասնելու համար առանձնացրել էր հետևյալ խնդիրները՝
- Ստեղծել ապահով տարածք կանանց համար, որտեղ նրանք կկարողանային վստահություն ձևավորել միմյանց նկատմամբ, իմանալ ընտանեկան բռնության և դրա կանխարգելման մասին։
- Վերհանել Գենդերային հիմքով բռնության և խտրականության դեպքեր, տալով դրանց իրավական լուծումներ և պաշտպանության մեխանիզմներ։
- Աջակցել վերբալ (խոսքային), ոչ վերբալ և ֆիզիկական տեխնիկաների տիրապետմանը։
Ծրագրի գործողությունների նկարագրություն և արդյունքները
- Իրականացնել ենք «Ընտանիքում Բռնության Կանխարգելման, Ընտանիքում Բռնության Ենթարկված Անձանց Պաշտպանության և Ընտանիքում Համերաշխության Վերականգման Մասին» օրենքի, և ընտանեկան բռնության և բռնության տեսակների վերաբերյալ իրազեկման դասընթացներ և իրազեկել ենք կանանց օրենքի մասին։ Մասնակիցները իրազեկվել են բռնության դեպքերի և տեսակների վերաբերյալ, թե կոնկրետ բռնության իրավիճակում, որ մարմիններին կարող են դիմել, ինչպես կարող են պաշտպանել իրենց իրավունքները
- Բռնության դիմադրության կրթության համակցված մոտեցմամբ ծանոթացել ենք ինքնապաշտապնության և սահմանների սահմանելուն ուղղված ֆիզիկական և հոգեբանական տեխնիկաների։ Եվ այժմ կանայք տիրապետում են ֆիզիկական ինքնապաշտպանության մի շարք հնարների։
- Վեր ենք հանել գենդերային հիմքով բռնության, խտրականության, ընտանեկան բռնության դեպքեր, կատարել քննարկումներ։ Հանդիպումների շարքն ամփոփվել է ֆորում թատրոնով։
