SPITAK HELSINKI GROUP HUMAN RIGHTS NGO
SPITAK HELSINKI GROUP HUMAN RIGHTS NGO
Եվրոպական միության աջակցությամբ իրականացվող «Մարդու իրավունքները փախստականների հետ եւ նրանց համար» ծրագրի շրջանակում «Սպիտակի Հելսինկյան խումբ» իրավապաշտպան ՀԿ գրասենյակում նոյեմբերի 21-ին տեղի է ունեցել իրազեկման դասընթաց՝ «Ինչպես լինել մրցունակ աշխատաշուկայում» թեմայով։ Դասընթացի նպատակն էր բարձրացնել իրազեկությունը աշխատաշուկայի վերաբերյալ, ներկայացնել կիրառելի խորհուրդներ՝ աշխատանքի ընդունվելիս և գործատուների հետ շփումներում։
Դասընթացին մասնակցել են Լոռու մարզում բնակվող և Լեռնային Ղարաբաղից տեղահանված կանայք։ Կազմակերպության իրավախորհրդատու Արևիկ Պետրոսյանի դասընթացի մասնակիցներին Պետրոսյանը մանրամասնել է Աշխատանքային օրենսգրքի հետ կապված մի շարք հարցեր, տեղեկություններ հաղորդել այնպիսի կարևոր ու արդիական թեմաների մասին, ինչպիսիք են գործատու-աշխատող աշխատանքային իրավահարաբերությունները, ինչպես կազմել հաջողված ինքնակենսագրական (CV) դառնալ մրցունակ մասնագետ շուկայում, ինչ հմտություններ են հարկավոր գործատուի հետ շփման ընթացքում և մասնավորապես անդրադարձել աշխատանքային պայմանագրի կարևորությանն ու հատկապես այն կետերին, որոնք պետք է կարևորել՝ աշխատանքային պայմանագիր կնքելիս։ Քննարկման մասնակիցները ինտերակտիվ հարցուպատասխանի միջոցով ակտիվ քննարկում են ունեցել ու հղել հետաքրքրող հարցերը։
«Մարդու իրավունքները փախստականների հետ և նրանց համար» ծրագիրն իրականացվում է Եվրոպական միության աջակցությամբ՝ Ժողովրդավարության զարգացման հիմնադրամի և Ընդդեմ կանանց նկատմամբ բռնության կոալիցիայի կողմից։
Ծրագիրն ուղղված է Լեռնային Ղարաբաղի փախստականների աջակցմանն ու հզորացմանը՝ սեփական իրավունքների մասին գիտելիքի և իրազեկության բարձրացման, նրանց համար նախատեսված ծառայությունների և հնարավորությունների մասին տեղեկության հասանելիության ապահովման միջոցով։
If you like the work we have done and would like to support us in expanding our practice, you can make a voluntary donation.
Spitak Manushak