Բանախոսներն էին՝

✅Ռուզաննա Պողոսյանը Լոռու մարզպետարանի աշխատակազմ, բնապահպանության և գյուղատնտեսության վարչության պետ

✅Արմինե Աբրահամյանը կենսաբանական գիտությունների դոկտոր, ագրոնոմ

✅Հռիփսիմե Քոչարյանը, Կանաչ խորհուրդների դաշնության համանախագահ

✅Արեգա Մարտիրոսյանը Կանաչ անցման և կարողությունների զարգացման ոլորտի փորձագետ

 Քննարկման մասնակիցների դիտարկումներով կարևոր է տեղեկացված լինել կլիմայական փոփոխություններին, դրանց ազդեցությանը հատկապես կանանց առողջության վրա և ձևավորել պետություն-ՀԿ սեկտոր ակտիվ համագործակցություն՝ կլիմայական ռիսկերի վերաբերյալ կանանց շրջանում իրազեկվածությունը բարձրացնելու ուղղությամբ։

Լոռու մարզպետի աշխատակազմի ներկայացուցիչները խոսեցին նաև համատեղ այն ծրագրերից, որ իրականացնում են միջազգային ու տեղական կազմակերպությունների հետ համատեղ՝ ուղղված կանանց առողջության պահպանմանը, խնդիրների վաղ հայտնաբերմանն ու կանխարգելմանը։

Առանձնակի անդրադարձ արվեց նաև 2024-ին Ալավերդու տարածաշրջանում տեղի ունեցած ջրհեղեղին, դրա բացասական ազդեցությանը կանանց հոգեբանական ու տնտեսական վիճակի վրա։

Կարևորվեց նաև որոշումների կայացման մակարդակում կանանց ներգրավածությունը, ինչը կբերի ավելի հավասարակշռված ու արդյունավետ քայլերի՝ ուղղված կանանց խնդիրների բարձրաձայնմանն ու դրանց լուծման ուղիներ գտնելուն։

 Քննարկումն անցկացվեց «Կանանց հզորացում՝ հանուն դիմակայուն ապագայի» ծրագրի շրջանակում, որ իրականացվում է « Կվիննա Թիլ Կվիննա» հիմնադրամի աջակցությամբ։

Քննարկման ամբողջական տարբերակն այստեղ։