«Սպիտակի Հելսինկյան խումբ» իրավապաշտպան ՀԿ-ն որպես Strive ծրագրի OMI (Կազմակերպական մոդելների ինովացիա՝ ԿՄԻ) բաղադրիչի մասնակից` Հուլիսի 7-ին ՆԵՖ-ի գրասենյակում մասնակցեց ենթադրամաշնորհային պայմանագրերի կնքման արարողությանը։

Հուլիսի 4-ին «Սպիտակի Հելսինկյան խումբ» իրավապաշտպան ՀԿ գրասենյակում տեղի ունեցավ տեղեկատվական հանդիպում` նվիրված ՀՀ Սահմանադրությանը։ Միջոցառման ընթացքում ՍՀԽ իրավաբան Արևհատ Պետրոսյանը համառոտ ներկայացրեց Սահմանադրության դրույթները և հորդորեց ներկաներին ընթերցել Հայաստանի Հանրապետության Սահմանադրությունը:

Այս շաբաթ Սպիտակի Հելսինկյան խումբ իրավապաշտպան ՀԿ գրասենյակում տեղի ունեցավ <<Եղիր իրազեկ և պաշտպանիր ինքդ քեզ>> ծրագրի  հետազոտական  զեկույցի  շնորհանդեսը, որին ներկա էին շահառուներ, համախոհներ,   հասարակական ոլորտի աշխատակիցներ, բժշկական ոլորտի և ՄՍԾ-ի ներկայացուցիչներ։

Երեկ պատիվ ունեինք հյուրընկալել Եվրոպայի խորհրդի ծրագրի ղեկավար Արման Պողոսյանին, ԵԽ ազգային փորձագետ Սերգեյ Ղազինյանին, , Պրոբացիայի ծառայության Լոռու մարզային մարմնի պետ Վարդան Չոբանյանին , Պրոբացիայի աշխատակից Վիլյամ Մինասյանին և ՄՍԾ Սպիտակի տարածքային կենտրոնի սոցիալական աշխատանքի և զբաղվածության ծրագրերի բաժնի պետ Կարեն Մաթոսյանին։

Մայիսի 19 –ին «Սպիտակի Հելսինկյան խումբ» իրավապաշտպան ՀԿ-ն տոնեց իր գործունեության 13-ամյակը։ Միջոցառումը տեղի ունեցավ ՀԿ գրասենյակում։ Միջոցառմանը ներկա Էին աջակիցներ, շահառուներ, համախոհներ։ Միջոցառման ընթացքում ներկայացվեց Կազմակերպության 13 տարվա ամփոփ գործունեությունը՝ կատարված բոլոր ծրագրերով և ֆինանսական հաշվետվություններով։

Ամռան առաջին օրը՝ Հունիսի 1-ին, նշվում է Երեխաների իրավունքների պաշտպանության միջազգային օրը։ Տոնի առթիվ ՍՀԽ ՀԿ-ն իրականացրեց փոքրիկ իրազեկման ակցիա Սպիտակ համայնքում։ Կազմակերպության աշխատակիցները ժպիտներ պարգևեցին մեր սիրելի փոքրիկներին։